ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಶಿವರಾಮ ಶಿಬರೂರರಿಗೆ ಕಟೀಲು ಗಾಣಿಗ ಸಂಘದಿಂದ ಸನ್ಮಾನ

ಬೆಂಗಳೂರು: ಸಮುದಾಯದ ಸಾಧಕರು-ಗಣ್ಯರನ್ನು ಗುರುತಿಸಿ ಸನ್ಮಾನಿಸಿ ಗೌರವಿಸುವ ಕೆಲಸವನ್ನು ಗಾಣಿಗ ಸಮಾಜದ ಹಲವಾರು ಸಂಘಗಳು ಹಲವು ವರ್ಷಗಳಿಂದ ಮಾಡುತ್ತಲೇ ಬಂದಿವೆ. ಆ ಮೂಲಕ ಸಮಾಜದ ಪ್ರತಿಭೆಗಳನ್ನು ಬೆಳಕಿಗೆ ತರುವ, ಅವರ ಸಾಧನೆ ಗುರುತಿಸಿ, ಎಳೆಯರಿಗೆ ಸ್ಫೂರ್ತಿ ತುಂಬುವ ಕೆಲಸವನ್ನು ಮಾಡುತ್ತಿವೆ.

ಅಂಥದ್ದೇ ಒಂದು ಕೆಲಸವನ್ನು ಕಟೀಲು ಗಾಣಿಗ ಸಂಘದವರು ಇತ್ತೀಚೆಗೆ ಮಾಡಿದ್ದಾರೆ. ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಶಿವರಾಮ ಶೇರಿಗಾರ್ ಶಿಬರೂರು ಇವರನ್ನು ಕಟೀಲು ಗಾಣಿಗ ಸಂಘದವರು ಸನ್ಮಾನಿಸಿ, ಅಭಿನಂದನೆಗಳನ್ನು ಸಲ್ಲಿಸಿದ್ದಾರೆ. ಜೊತೆಗೆ ಇನ್ನಷ್ಟು ಸಾಧನೆ ಮಾಡುವಂತಾಗಲಿ, ಮತ್ತಷ್ಟು ಮೆಚ್ಚುಗೆ-ಮನ್ನಣೆ ಒಲಿದು ಬರಲಿ ಎಂದು ಹಾರೈಸಿದ್ದಾರೆ.