ವಿಶೇಷವಾಗಿ ರಾಜ್ಯೋತ್ಸವ ಆಚರಿಸಿದ ಮಾಲೂರು ತಾಲೂಕು ಯುವ ಗಾಣಿಗರ ಸಂಘ

ಬೆಂಗಳೂರು: ಕೋಲಾರ ಜಿಲ್ಲೆಯ ಮಾಲೂರು ತಾಲೂಕು ಯುವ ಗಾಣಿಗರ ಸಂಘವು ಕರ್ನಾಟಕ ರಾಜ್ಯೋತ್ಸವವನ್ನು ನಿನ್ನೆ ವಿಶೇಷವಾಗಿ ಆಚರಿಸುವ ಮೂಲಕ ಗಮನ ಸೆಳೆದಿದೆ.

ಗಾಣಿಗ ಸಮಾಜದ ಉದಾತ್ತ ವ್ಯಕ್ತಿತ್ವದ, ಜನೋಪಕಾರಿ ಎಂದೇ ಹೆಸರಾಗಿರುವ ದೊಡ್ಡಣ್ಣ ಶೆಟ್ಟರ ಭಾವಚಿತ್ರವನ್ನು ಮಂಟಪದಲ್ಲಿ ಪ್ರತಿಷ್ಠಾಪಿಸಿ, ಗಾಣದ ಆಕೃತಿಯನ್ನು ಮಂಟಪದ ಮುಂಭಾಗದ ವೇದಿಕೆ ಸಿದ್ಧಪಡಿಸಿದ ಸ್ತಬ್ಧ ಚಿತ್ರ ವಿಶೇಷವಾಗಿ ಗಮನ ಸೆಳೆದಿದ್ದು, ಬಹಳಷ್ಟು ಮೆಚ್ಚುಗೆಗೆ ಪಾತ್ರವಾಗಿದೆ.

ಸಂಘದ ಸದಸ್ಯರು ತಾವೆಲ್ಲ ಧರಿಸಿದ್ದ ಕೇಸರಿ ಬಣ್ಣದ ಟಿ-ಶರ್ಟ್‌ ಮೇಲೆ ಸಂಘದ ಹೆಸರಿನ ಜೊತೆಗೆ ಗಾಣದ ಚಿತ್ರವನ್ನು ಕೂಡ ಮುದ್ರಿಸಿರುವುದು ಸಮುದಾಯದ ಮೇಲಿನ ಅಭಿಮಾನವನ್ನು ಅನಾವರಣಗೊಳಿಸಿದೆ.